Man.Utd i falet Cavani-t, përmbysje spektakolare ndaj Southampton

Falë një super Edinson Cavani që tregoi versionin e tij më të mirë, Manchester United mori një fitore të madhe me përmbysje në fushën e një prej skuadrave të momentit në Premier League, Southamton.

Cavani hyri në fushë në fillimin e pjesës së dytë dhe në vetëm një pjesë loje shënoi dy herë si dhe dha një asist me Djajtë e Kuq që përmbysën 2 gola disavantazh të “shenjtorëve” për të triumfuar 2-3.

LEXO EDHE  Një vit pa Kobe Bryant, tragjedia që tronditi botën e sportit

Cavani dy herë me golin e fitores që e realizoi vetëm në minutën e 92-të dhe Bruno Fernandes ishin heronjtë e United në transfertën e St Mary. Kjo ishte fitorja e 3-të rresht për skuadrën e Solskjaer në kampionat që e ngushtoi në vetëm 5 pikë distancën me Liverpoolin kryesues me Manchester United që ka edhe një ndeshje më shumë për të luajtur.