Të paktën 3 persona kanë humbur jetën në ishullin italian të Sardenjës si pasojë e përmbytjeve të shkaktuara nga reshjet e dendura të shiut në orët e fundit.
Video dramatike të postuara në rrjetet sociale tregojnë lumenjtë e baltës që përfshijnë rrugët e Bittit në provincën e Nuoros.
Sipas mediave italiane, një i moshuar u mbyt në shtëpinë e tij, ndërsa një tjetër person u vra ndërsa udhëtonte me makinë.
Kreu i Bashkisë së Nuoros, Andrea Soddu iu kërkoi banorëve të bëjnë kujdes dhe të largohen nga banesat nëse e shohin të arsyeshme pasi reshjet parashikohet të intesifikohen në orët në vijim.
Përmbytjet kanë shkaktuar dhe dëme të mëdha në ishull, ndërsa një pjesë e madhe e tij momentalisht është pa energji elektrike.
Due gocce a Bitti pic.twitter.com/7byRtAsZBV
— Giovanni Bua (@giovanni_bua) November 28, 2020
