Juventusi vazhdon të tregojë dobësi të mëdha në fushën e lojës, teksa nuk ka shkuar më shumë se një barazim 1-1 përballë modestëve të Beneventos, të ngjitur së fundmi në Serie A.
Pa Cristiano Ronaldo-n në fushë, por me yje të tjerë si Morata dhe Dybala, bardhezinjtë lëshojnë pikë në një ndeshje që konsiderohej e lehtë në letër.
Ekipi i Pirlos kaloi i pari në avantazh në minutën e 21 të takimit me Moratan i cili duhet thënë së bashku me Ronaldon janë dy lojtarët e vetëm që po bëjnë diferencën në ekipin e drejtuar nga Pirlo.
Gjithsesi vendasit barazuan me një gol fotokopje me të parin në të 45-ën nga Letizia.
Miqtë provuan gjithçka që të dilnin me 3 pikë në këtë ndeshje, por pa arritur të gjenin golin e fitores.
Tashmë pas 9 javësh kampionat, Juventus renditet në vendin e 5 me 17 pikë të grumbulluara.
