Kryenegociatori i BE-së për Brexit, Michel Barnier ka mbërritur në Londër për një raund tjetër të bisedimeve Brexit me homologun e tij në Mbretërinë e Madhe, David Frost. Ai ka paralajmëruar se negociatat janë në një moment kritik ku nuk ka shumë për të pritur.
Bisedimet u ndërprenë javën e kaluar pasi një përfaqësues nga ekipi negociator i BE-së doli pozitiv me Covid-19.
Nëse nuk ka një marrëveshje midis palëve deri në 1 janar, pasojat më të rënda do të jenë ato ekonomike. Britaniku Frost ka deklaruar se është vonë, por ekziston ende një mundësi sado e zbehtë për përparim të dialogut. Nga ana tjetër, kryeminstri Boris ka paralajmëruar se Britania është e përgatitur cilado qofshin rezultatet.
Negociatat kanë qenë të bllokuara për muaj me radhë mbi çështjet e të drejtave të peshkimit dhe kushteve “të barabarta” që synojnë parandalimin e konkurrencës së padrejtë duke ulur standardet ose rritur subvencionet shtetërore.
DENONCO