Memaliaj, makina e djalit e merr para, humb jetën aksidentalisht 67-vjeçari

Një ngjarje e rëndë ka ndodhur në fshatin Krahës në Bashkinë Memaliaj. Një 67 vjeçar humbi jetën teksa u shtyp nga furgoni i cili ka qenë në pronësi të birit të vet. Mjeti tip FORD u parkua nga djali i viktimës para banesës në Krahës por kishte harruar të vendoste frenat e dorës pasi vendi i parkimit ishte dishezë e thepisur.

Në këto momente furgoni vazhdoi rrugën pa shofer brenda ndërkohë që drejtuesi tentoi të bëhej barrikade për ta ndaluar. Për pasojë shoferit i’u thye këmba ndërsa automjeti mori përpara kryefamiljarin Bedri Hoxha 67 vjeç ish-arsimtar i cili kishte një vit që kishte dalë në pension. Mësohet se Hoxha vdiq në vend si pasojë e plagëve të marra ndërsa djali i tij është shtruar në Spital me frakturë në gjymtyrë.

LEXO EDHE  Rrezikoi jetën nga përmbytjet në Greqi, turistja gjermane: Gjithçka ndodhi shumë shpejt

Njoftimi i policisë

Në fshatin Krahës, Bashkia Tepelenë,  në oborrin e banesës së shtetasit B.Sh., 67 vjeç, mjeti fugon, tip “Mercedes benz”, i cili ka qënë i parkuar, për shkak të terrenit të pjerrët ka levizur dhe ka goditur shtetasin B. Sh., duke i shkaktuar vdekjen.

Gjithashtu është dëmtuar në këmbë dhe djali i tij, shtetasi E. Sh., i cili është transportuar  për ndihmë mjeksore në Spitalin Rajonal Gjirokastër.

Në vendngjarje kanë shkuar shërbimet e policisë, ku nga veprimet hetimore rezultoi se ngjarja ka qënë aksidentale.