Këngëtarja e hitit “Jar of hearts”, Christina Perri, ka humbur vajzën që priste të sillte në jetë. Ajo kishte vetëm pak ditë që kishte zbuluar se e bija mund të vinte në jetë para kohe. Ndërkohë përmes një postimi në “Instagram”, Perri jep lajmin e trishtë se vajza e saj “ka lindur e heshtur”.
“Mbrëmjen e shkuar ne humbëm vogëlushen tonë. Ajo lindi e heshtur, pasi luftoi fort që të vinte në botën tonë. Ajo është në paqe tani dhe do të jetë gjithmonë në zemrat tona”, ka shkruar Christina në foton e rrallë.
Këngëtarja e njohur ndau me ndjekësit e saj një fotografi duke mbajtur dorën e vogël të vajzës në gishta, sepse fëmija ishte plotësisht i formuar duke qenë se kishte hyrë ne tremujorin e tretë të shtatzënisë.
View this post on Instagram
Perri ka pasur disa komplikacione me shtatzëninë e saj dhe ka ndarë gjithçka nga ky rrugëtim me fansat e saj. Javën e shkuar këngëtarja zbuloi se ka qenë e shtruar në spital dhe tregoi se mund ta lindte vajzën më herët nga ç’pritej.
Ndërkohë ajo është nënë e një vajze 2-vjeçare, Carmella dhe para pak kohësh përjetoi edhe një abort.
