Me fjalët e shkrimtarit Ismail Kadare, Kryeministri Edi Rama ka zgjedhur të thumbojë opozitën për akuzat në kohë pandemie. Ai ka postuar një foto të Kadaresë duke shkëputur një citim të shkurtër të tij.
“Nuk jam i sigurt se ky agresion audiovizual është diçka e mirë”, thuhet në mesazhin e Kadaresë të shpërndarë nga kryeministri Edi Rama.
Prej ditësh opozita dhe qeveria janë përfshirë në disa replika ku kreu demokrat Lulzim Basha e akuzon për fshehje të numrit të viktimave, ndërkohë që kryeministri Edi Rama i cilëson deklarata të ulëta që përhapin panik.
