Gjykata e Tiranës dënoi me 30 vite burg Islam Mylkajn, për vrasjen e Haxhi Baçinozit. Myrtaj u shpall i fajshëm për “vrasje me paramendim” dhe “armembajtje pa leje”.
Krimi ndodhi në 16 mars 2019 në Tiranë. Baçinozi u ekzekutua te “Liqeni Artificial në sy të djalit të tij nga 62-vjeçari Mylkaj. Mylkaj e vrau mikun e tij pas një konflikti verbal mes tyre për një borxh të vjetër nga tregtia e përbashkët që kishin bërë vite më parë.
Në pretencën e saj, prokuroria kërkoi 35 vite burg për Islam Mylkajn.
Në gjykim, ai shfaqi pendesë për krimin, por mohoi te kishte paramendim.
