Tritan Shehu nga Partia Demokratike, nëpërmjet rrjeteve sociale pyet kryeministrin Rama, se përse nuk iu tregon të vërtetën shqiptarëve sa i përket numrit të viktimave nga koronavirusi.
Shehu thekson se që kur kreu i PD, Lulzim Basha, ekspozoi dhe denoncoi faktin se Rama po fsheh numrin real të vdekjeve nga koronavirusi, qeveria ka raportuar një rritje dramatike të numrit tyre.
Shehu shprehet se Rama po bën politikë me vdekjen e qytetarëve nga koronavirusi.
Statusi i plotë:
Që kur Basha ekspozoi faktin se Rama po fsheh numrin real të viktimave të Koronavirusit në Shqipëri, qeveria ka raportuar një rritje dramatike të numrit të tyre. Rama, në vend që të bëje politikë me çështjet e jetës dhe vdekjes, a mos duhej tu thote të vërtetën qytetareve?!
