Një aksident i rëndë ka ndodhur pastiten e sotme në vendin e quajtur ‘Shkalla e Tujanit’ në Tiranë, ku një makinë është përmbysur pranë një kantieri ndërtimi dhe për pasojë një person ka humbur jetën.
Sipas informacioneve të para mjeti me drejtues N.K ka humbur kontrollin dhe është përmbysur pranë një zone që ishte kantier ndërtimi dhe për pasojë një nga pasagjerët ka humbur jetën, ndërsa dy të tjerë janë plagosur rëndë dhe janë dërguar me urgjencë në spital.
Informacion paraprak
Më datë 22.11.2020, rreth orës 15:00, tek shkallët e Tujanit, mjeti me drejtues N.K., duke qarkulluar me mjet në një zonë e cila është kantier ndertimi, ka humbur kontrollin e mjetit dhe për pasojë janë dëmtuar pasagjerët B.K dhe B.K., të cilët janë nisur me ambulancë për në spital, dhe ndodhen nën kujdesin e mjekëve. Ndërsa pasagjeri tjetër shtetasi H.D., 68 vjeç, ka ndërruar jetë në vëndngjarje si pasojë e plagëve të marra.
Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes.
