Kombëtarja shqiptare doli triumfuese në grupin saj në Ligën e Kombeve dhe kjo arritje ka bërë jehonë edhe në mediat italiane.
Trajneri i kombëtares, Reja, në një intervistë për gazetën prestigjioze “La Repubblica”, tregon sesi ky projekt i ndërmarrë te Shqipëria, është një “hakmarrje” e vogël ndaj atyre që e cilësonin të mbaruar karrierën e tij, pasi u largua nga Atalanta në vitin 2016.
Por Reja në intervistë dëshmon edhe faktin që nuk ka asnjë dëshirë për të braktisur Kombëtaren së shpejti, madje e kundërta është e vërtetë. “ Kur erdha në fillim, presidenti Duka më tha të përgatitsha për Europianët e vitit 2024, dhe unë iu përgjigja që nuk dija si do t’ia bëja kur të mbushja 80 vjeç, por deri sa të jem i aftë do të çojë përpara projektin, sepse më pëlqen. Do fillojmë edhe kurse për trajnerë dhe përgatitësit atletikë, me objektivin që të rrisim talentet edhe në ato fusha. Na ka penguar COVID, por jemi në vijë të mbarë.”
