Ylli Manjani, ish-ministër i Drejtësisë, ka ironizuar përmes një postimi në rrjetet sociale, Ambasadoren e SHBA, në Tiranë Yuri Kim.
Ndërsa ka postuar në rrjet një këngë të Kim Wilde, Manjani shkruan se “Bota ka edhe Kim që nuk flet për pesticide si SPAK, BKH, KED, KLP e p… në të!”.
“Nuk kam ndonjë simpati të veçantë, por Kim-ëve më mirë dëgjoji muzikën sesa llo llo llo-të”, shkruan Manjani.
Reagimi i ish-ministrit ka ardhur pas disa mesazheve të diplomates amerikane, që inkurajonte SPAK të qëndronte fort në çështjet që po heton, ndërsa më pas kujtoi se ka vetëm 6 javë kohë për ngritjen dhe funksionimin e Gjykatës Kushtetuese.
