Moderatorja Albana Osmani ka qenë në qendër të vëmendjes të mediave dhe publikut kohët e fundit, pas publikimit të librit të saj të parë ‘Çika në betejë me Inteligjencën Articiale’ .
E ftuar ditën e sotme në emisionin “ABC e Mëngjesit” moderatorja tregoi më shumë për këtë projekt, por nuk nguroi të fliste edhe për televizionin, disa detaje nga puna vite më parë në Top Channel dhe rikthimin e mundshëm në ekran.
Albana foli edhe për një moment të së shkuarës, një audicion për të prezantuar “Portokallinë”, i cili sipas atyre që e kanë parë ka qenë një super audicion, por ajo nuk arriti kurrë që të bëhej moderatorja e programit.
“E nisa tek Tani dhe po e vazhdoj, ai është si hero për të gjithë ne. Unë personalisht jam një person mirënjohës ndaj kujtdo që në udhëtimet e mia më ka dhënë një dorë apo më ka vlerësuar e më ka shtyrë në rrugën e duhur. Në këtë audicion ishte pikërisht Tani që dha një koment të tipit: Kjo vajza është shumë e re, ka një rrugë shumë të gjatë në televizion. Portokallia do jetë një prej stacioneve të saj, por derisa të shkojë atje kemi shumë festivale e programe për të. Audicioni ishte super, por unë nuk u bëra prezantuesja. Këto ishin hapat e mi, që nga “Top Fest” e deri tek “Albanian’s Got Talent”, por në skenën e Portokalli nuk shkela kurrë. Megjithatë në një emision të tillë, ndoshta jo Portokalli, por një program tjetër kabare, do ta shihja veten shumë mirë. Por nuk e di, nuk bëj plane.”– tregoi Albana.
