Kreu i PD, Lulzim Basha, nëpërmjet një postimi në rrjet, shprehet se vendit i duhet një qeveri që nuk rri në Instagram, por që angazhohet në vijën e parë të luftës me koronavirusin.
Duke iu adresuar kështu kryeministrit Rama dhe qeverisë së tij, Basha thotë se kjo qeveri nuk i ndihmon qytetarët, por merret me dallavere politike.
Statusi i plotë i Bashës
Qytetarëve shqiptarë i duhet një qeveri që punon për ta. Që punon për ty!
Një qeveri që nuk merret me dallavere politike, por që siguron ndihmë ekonomike për çdo familje.
Një qeverisje që nuk e shpenzon kohën në Instagram, por që është në vijën e parë të luftës me Covid-19.
Një qeveri që ndez dritën e shpresës për shqiptarët.
Qeveria që ne do të ndërtojmë!
