Seanca për shqyrtimin e kërkesës për pushimin e hetimeve ndaj Valdrin Pjetrit është shtyrë për të dytën herë. Gjyqtarja Oltiona Goxha ka dhënë dorëheqjen nga gjykimi i kërkesës dhe në vendin e saj është përzgjedhur gjyqtari Artan Gjermeni.
Valdrin Pjetri i zgjedhur në krye të Bashkisë së Shkodrës në votimet e 30 qershorit u mor i pandehur për falsifikim të formularëve, pas një denoncimi nga PD, se Pjetri kishte fshehur një dënim në Itali.
Sipas hetimeve, Pjetri nuk kishte deklaruar hetimin dhe dënimin në shtetin italian për probleme me lëndët narkotike. Por pas disa muajsh hetime, Prokuroria vendosi të dërgojë për pushim çështjen në Gjykatë, me argumentin se vendimi i gjykatës italiane e ndalonte Valdrin Pjetrin ta deklaronte atë.
