I intervistuar nga Marca, presidenti i UEFA-s, Aleksander Ceferin, lëshoi disa deklarata për rinisjen e botës së futbollit pas valës së parë të Covid.
Këto janë fjalët e tij për shtyrjen e Kampionatit Evropian: “Në fillim nuk e dinim se çfarë do të ndodhte, nëse do të kishim këmbëngulur për të luajtur ndoshta do të kishim dëmtuar disa klube të ligës, nuk e di se sa do të kishin arritur të mbijetonin.
Nuk ishte çështje përparësie. Nëse do të kishim insistuar të vazhdonim me Kampionatin Evropian, unë jam i sigurt që do të kishim probleme dhe nuk do të ishim në gjendje ta përfundonim atë. Në të njëjtën kohë, ligat nuk mund të kishin përfunduar garat e tyre.
Padyshim që çdo vendimi përfshin një rrezik kur nuk e dini se çfarë do të ndodhë në të ardhmen, por unë mendoj se kushdo që është në krye duhet të marrë vendime me guxim. Ne vendosëm bazuar në atë që menduam se ishte zgjidhja më e mirë “.
