Kryeministri Edi Rama teksa ka folur mbi infrastrukturën e furnizimit me ujë të zonave urbane theksoi se as në komunizëm nuk kishte furnizim 24 orë me ujë.
Sipas tij, Bota po shkon në hënë Shqipëria akoma merret me furnizimin me ujë, duke iu referuar edhe faktit që sipas kryeministrit që rrjetet janë të trashëguara që në vitit ’60.
“Në vitin e ardhshëm, në 55 zona të mëdha urbane të vendit, në vitin 2022 edhe në mbi 200 zona më të populluara të vendit, do të kemi këtë insfrastrukturë.
Shumëkush që ndjek faqen time dhe që përfaqëson një kategori të caktuar të opinion publik, ngre pyetjen herë me ironi dhe herë në formë habitore, se si ka mundësi që akoma flasim për ujë të pijshëm, kur bota po shkon në hënë.
Bota ka shkuar në Hënë me kohë, por në sistemin tonë të ujësjellësve, kemi një pasqyrë shumë të posaçme në raport me botën por jo me rajonin. Rrjetet e trashëguara janë të trashëguara që në vitit ’60.
As në komunizëm nuk është garantuar uji 24 orë, apo në çdo pikë banimi të Shqipërisë. Për më tepër, ne për 25 vjet, pas rënies së komunizmit, kemi filluar të prekim një sistem furnizimi me ujë, ku kemi pasur dhe akoma sot aty ku vazhdon puna, ka depo dhe tubacione të viteve ‘60-70”, u shpreh Rama gjatë konferencës për mediat mbi furnizimin me ujë të zonave urbane”, tha Rama.
Prej kohësh Rama, duke pasur në krah ministren Belinda Balluku, premton projekte në Infrastrukturë, porte dhe aeroporte. Tashmë premtimi i rradhës është ai për ujin dhe nuk përjashtohet mundësia që të nisin postimet e projekteve 3D edhe për ujin.
