Ndërkohë që zgjedhjet e 25 prillit janë vetëm disa muaj larg, është prezantuar kryetari i ri Prezencës së OSBE-së në Shqipëri.
Ambasadori Vincenzo Del Monaco, i cili ka mbi supe 23 vite karrierë në shërbimin diplomatik Italian, do të drejtojë Zyrën e OSBE në Shqipëri.
Përpara se t’i bashkohej Prezencës në Shqipëri, ambasadori Del Monaco ishte ambasador i Italisë në Armeni dhe, më parë, ambasador i Italisë në Malin e Zi.
Gjithashtu, ai ka shërbyer në Pekin; në Përfaqësinë e Përhershme italiane në Bashkimin Evropian, në Bruksel; si edhe në kabinetin e këshilltarit diplomatik të ish-presidentit të Italisë, Giorgio Napolitano.
Ai u diplomua shkëlqyeshëm nga Universiteti “La Sapienza” i Romës; zotëron diplomën Master i Drejtësisë në Studimet e Larta Ligjore Evropiane nga Kolegji i Evropës në Bryzh; si edhe një diplomë nga École Nationale d’Administration.
Ambasadori Del Monaco mban titullin e Urdhrit të Meritës (Commendatore) të Republikës së Italisë, titullin Kalorës të Legjionit të Nderit francez dhe Urdhrin e Flamurit Malazez të rangut të dytë. Ai flet italisht, anglisht dhe frëngjisht. Ai është i martuar dhe ka tre fëmijë.
Del Monaco do të zëvendësoje në këtë detyrë, ish-ambasadorin, Berndt Borchard.
