KPK konfirmon në detyrë drejtuesen e prokurorisë së Pogradecit

Komisioni i Pavarur i Kualifikimit (KPK) njoftoi këtë të Hënë vendimin e konfirmimit të Dorina Bejkos, drejtuesja e Prokurorisë së Pogradecit.

Procesi i vetingut për të u krye nga trupa e përbërë nga Roland Ilia kryesues, Suela Zhegu relatore dhe Brunilda Bekteshi anëtare. Në cilësinë e vëzhguesit ndërkombëtar ishte i pranishëm Gerrit Sprenger.

Bejko u përball muajin e kaluar me KPK në seancën dëgjimore, ku Komisioni i Pavarur i Kualifikimit konstatoi pasaktësi dhe mospërputhje për likujditetet dhe burimin e krijimit të disa pasurive, ndërkohë që Bejko u vlerësua pozitivisht për figurën dhe profesionalizmin.

LEXO EDHE  Gjendet një person i plagosur në Urën Vajgurore

(Lexo: Pasaktësi dhe mospërputhje për likujditetet dhe burimin e disa pasurive/ Prokurorja Bejko në KPK)