Ushtruesja e Detyrës së Presidentes së Kosovës, Vjosa Osmani, ka shprehur pakënaqësinë për Bashkimin Evropian pasi vazhdon që ta trajtojë Serbinë më mirë se sa vendin e saj.
Sipas saj,nuk ka një mostrajtim të barabartë me Serbinë, si shtete fqinje, në negociatat për normalizimin e marrëdhënieve.
Osmani mendon se Brukseli, nuk ka mësuar nga gabimet e kaluara dhe vazhdon ta trajtojë Serbinë “si një fëmijë të llastuar”.
“Duhet të trajtohemi njëjtë gjatë këtij dialogu. Nëse ndodh kjo, atëherë do të jetë një rrugë e një dialogu të suksesshëm në të ardhmen”, u shpreh Osmani për Associated Press.
Ushtruesja e Detyrës së Presidentes në Kosovë foli edhe për krimet e Serbisë të kryera në Kosovë.
“Ata i mohojnë të gjitha krimet e tmerrshme që i kanë kryer në gjithë Jugosllavinë, por në veçanti ato në Kosovë gjatë të 90-tave,” tha Osmani, që shtoi se suksesi i dialogut, vjen sapo Serbia ta pranojë realitetin.
“Ende nuk ka drejtësi për viktimat, më shumë se dy dekada pas luftës,” përfundoi ajo.
