Janë mbyllur edhe ndeshjet e darkës në Ligën e Kombeve. Anglia kapitulloi ndaj Belgjikës me shifrat 2-0. Vendasit zgjidhën gjithçka në pjesën e parë me dy supergola të Mertens dhe Tielemans.
Mesfushori i Leicester në Angli lëshoi një predhë nga jashtë zonë në minutën e 10-të, ndërsa Mertens në të 24-tën ekzekutoi në perfeksion një goditje dënimi.
Me këtë rezultat, aventura e Anglisë në Ligën e Kombeve përfundon në këtë fazë, ndërsa ndeshjen e fundit ndaj Islandës do ta luajnë vetëm për statistika.
Grupin 2 e kryeson Belgjika me 10 pikë e ndjekur nga Danimarka me 8 pikë. Skuadra që do të kualifikohet për në fazën finale të kompeticionit do të vendoset pikërisht mes Belgjikës dhe Danimarkës që luajnë ndaj njëra-tjetrës pas tre ditësh.
Edhe Italia fitoi sot ndaj Polonisë. Kombëtaren e kaltër e nderoi një penallti e Jorginho në pjesën e parë dhe një gol i Berardit në fund, i ndihmuar edhe nga fakti se Polonia luajti nga minuta e 77-të me 10 lojtarë, pas përjashtimit të Goralski.
Me këtë fitore, Italia rimerr kreun e Grupit 1, ndërsa Holanda zbret në pozitën e dytë.
