Në kërkim për drogë nga Italia, arrestohet në Mallakastër (VIDEO)

Një 41-vjeçar, i shpallur në kërkim nga autoritet italiane, është arrestuar në Mallakastër.

“Nga Seksioni për Hetimin e Narkotikëve dhe Trafiqeve në DVP Fier, në bashkëpunim me Komisariatin e Policisë Mallakastër dhe me Interpol Tirana, bazuar dhe në informacionet e mara në rrugë policore, u bë i mundur lokalizimi, kapja dhe arrestimi i përkohshëm, me qëllim ekstradimin drejt Italisë, i shtetasit M. B., 41 vjeç, banues në fshatin Drizar, Mallakastër.  Arrestimi i këtij shtetasi u bë pasi Gjykata e Messina, Itali, në korrik 2019, i ka vendosur urdhër-arresti për veprën penale ‘Trafikimi i narkotikëve në kuadër të grupit të strukturuar kriminal’”, njoftoi policia.

LEXO EDHE  Parashikimi javor i motit

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale, shtuan të njëjtat burime.