Humbja e shijes dhe e nuhatjes janë simptoma të zakonshme që prekin të infektuarit me COVID-19 dhe, përtej një sikleti të thjeshtë, ato mund të çojnë në humbje të oreksit, çrregullime të higjienës, izolim shoqëror, të mjaftueshme për të shkaktuar një valë tronditjeje në cilësinë e jetës dhe mirëqenien e disa pacientëve, sipas një hulumtimi shkencor të publikuar në francezen “Le Figaro”.
“Në fakt, vrimat e hundës dhe gjuha bëhen të “heshtura”, nuk na lejojnë më të identifikojmë ose shijojmë atë që hamë ose pimë, të dimë se çfarë ere lëshojmë ose të nuhasim atë të atyre që janë afër nesh”, shpjegon Camille Ferdenzi, studiuese e CNRS në Qendra Kërkimore të Neuroshkencës, në Lion dhe koordinatore e një sondazhi në internet për këtë temë.
Ndërveprime të paqarta shoqërore
Humbja e nuhatjes dhe shijes depërtojnë si helm në marrëdhëniet tona me të tjerët.
“Është një përvojë e dhunshme, sepse na izolon shoqërisht”, pranon Lucie Cormons, psikologe klinike
Një e treta e njerëzve me anozmi (mungesë nuhatjeje) vuajnë nga depresioni.
“Hunda jonë është një busull, pa të, ne jemi të çorientuar në komunikimin tonë me të tjerët”, thekson specifikon Annick Le Guérer, antropolog.
Hipervigjilencë dhe stres
Të privuar nga nuhatja, ne jemi të shkëputur nga një refleks paraardhës.
“Shqisa e nuhatjes ka aftësinë për të zbuluar rrezikun: ne e përdorim atë në mënyrë instiktive për mbijetesën dhe sigurinë tonë”, shpjegon Renaud David, psikiatër.
“Ky dyshim çon në ankthe të forta dhe hipervigjilencë. Ne kemi frikë për shëndetin tonë dhe jetën tonë”, shton Cormons.
Pak nga pak, mund të krijohet një rreth vicioz dhe të detyruar të hanë ushqime pa patur shije, disa persona humbasin oreksin e tyre dhe pastaj dëshirën për ngrënë dhe vazhduar më tej.
/ata/
