Partizani luan sot ndaj Apolonisë në kuadër të turit të dytë të Kupës së Shqipërisë.
Në letër, Partizani është skuadra favorite, ndërsa Apolonia do të tentojë të surprizojë. Partizani vjen në këtë sfidë delikate pa 5 futbollistë të rëndësishëm. Portieri dhe kapiteni i skuadrës, Alban Hoxha, është i grumbulluar me Shqipërinë, ndërsa mesfushori Esat Mala me kombëtaren U-21.
Jasir Asani nuk është stërvitur me grupin, për shkak të një tërheqjeje muskulore, të njëjtin dëmtim ka dhe braziliani William Cordeiro Melo i cili po ashtu është stërvitur i diferencuar dje dhe nuk ka udhëtuar me skuadrën drejt Elbasanit, ku është kryer seanca e fundit stërvitore para sfidës me Apoloninë. Edhe sulmuesi anësor Llanaj, do të mungojë ndaj Apolonisë, me 21-vjeçarin që po ashtu është i dëmtuar.
Formacioni i mundshëm i Partizanit:
4-2-3-1: Teqja; Idrizaj, Bitri, Belica, Hakaj; Hyseni, Broja, Cardoso, Cara, Bardhi; Brown
