Kryeministri Edi Rama ka debatuar me moderatoren Eni Vasili, pasi analisti Agron Gjekmarkaj ndërhyri disa herë teksa ai po fliste për hapjen e negociatave.
Rama i kërkoi moderatores së emisionit “Open” që t’i mbyllte mikrofonin analistit, ndërsa Vasili tha se nuk do tia mbyllë edhe kur flet budallallëqe.
Kreu i qeverisë nuk ka pranuar të flasë dhe e ka detyruar moderaoren që të shkojë në publicitet.
“Ku i gjen këta të lodhur moj aman. Mos bëj zhurmuesin, nuk ta jap fjalën unë, mbylli mikrofonin atij”, u shpreh Rama, ndërsa Gjekmarkaj ndërhynte lidhur me deklaratat e kreut të qeverisë, i cili ia hodhi fajin Europës për negociatat.
Debati:
Rama: Nuk bëhet biseda.
Vasili: Nuk doni ndërhyrje zoti kryeministër?
Rama: Nuk e zhvilloj dot bisedën kështu.
Vasili: Pse jo.
Rama: Nuk e zhvilloj dot bisedën kështu.
Vasili: Pse jo?
Rama: Gjermania thotë të ka kërkuar…
Gjekmarkaj: Bundestagu të ka vënë 14 kushte.
Rama: Gjermania është shtet.
Gjekmarkaj: Po shteti lokomotivë e BE është.
Rama: Si ka mundësi, po unë nuk ndërtoj dot dy fjali, kjo është kot.
Vasili: Gjekmarkaj të lutem!
Rama: Mbyllja mikrofonin atij.
Vasili: Jojo nuk ja mbyll.
Rama: Lërja! Fol! Urdhëro fol!
Vasili: E kam ftuar, do ta dëgjoj edhe kur flet budallallëqe ndonjëherë, do ta dëgjoj po…
Rama: Me ndërhyrje që nuk ndërton dot fjali, unë nuk e pranoj dot.
Vasili: Tani të vazhdojmë sepse njerëzit po presin, kemi tërmetijn, rindërtimin, ju lutem!
Rama: Jo nuk vazhdojmë dot!
Vasili: Zoti kryeministër, u shty, nuk u shty? (hapja e negociatave)
Rama: Jo nuk flas fare!
Vasili: Ta mbyllim tani?
Rama: Mbylle! Tani ose do më lesh mua të flas, ose …
Vasili: Po debat po bëhet
Rama: Jo, unë kam ardhur t’i përgjigjem pyetjeve te tua…
