Kreu i Komunitetit Mysliman të Shqipërisë, Bujar Spahiu i lutet Zotit për shërimin e shpejtë nga koronavirusi të Kryepeshkopit Janullatos dhe Imzot George Frendos.
Një një postim në faqen e tij në rrjetet sociale, Spahiu shkruan se e mësoi me shqetësimin lajmin.
“Mësova me shqetësim lajmin e prekjes nga COVID-19 të Anastas Janullatos dhe George Frendos! I lutem Zotit për shëndetin e klerikëve të nderuar të besimit ortodoks dhe katolik! Zoti u dhëntë forcë dhe shërim të shpejtë” shkruan ai.
Kryepeshkopi Janullatos u transportua në Greqi për mjekim të specializuar, pasi ndodhet në gjendje kritike për jetën, ndërsa George Frendo në një nga spitalet Covid në Tiranë.
