Kryeministri Edi Rama, i ftuar në emisionin ‘Open’, tha se në spitalet Covid në vendin tonë, nuk mungon asgjë, duke filluar nga ilaçet, aparaturat dhe mjekët.
Kreu i qeverisë tha se koronavirusi nuk është gjithmonë në dorën e mjekëve, po del edhe jashtë kontrollit.
Rama, tha në studion e ‘Open’ se dimri do jetë i vështirë nga pikëpamja shëndetësore.
“Situata do jetë më e vështirë se e para” – tha Rama.
Përtej kësaj, Rama tha se situata është nën kontroll.
“Numrat mund të rriten më shpejtësi në atë masë që mund të bllokojnë sistemin. Unë nuk dua të besoj tek një mbyllje e dytë e përgjithshme. Edhe vendet e tjera po bëjnë një mbyllje por jo si në valën e parë.”-tha Rama.
