Winful Cobbinah do të largohet nga Tirana. Sulmuesi ganez ka arritur akordin me skuadrën e Kazma në Premier Leguen e Kuvajtit.
Sot do të jetë ndeshja e fundit që 29-vjeçari do të luajë me bardheblutë, ndërsa më pas do të niset drejt skuadrës së re.
Mediat në Kuvajt bëjnë me dije se akordi mes palëve është arritur tashmë me Tiranën që do të përfitojë rreth 150 mijë euro për kartonin e tij, ndërsa Cobbinah pritet të firmosi një kontratë të majme me këtë skuadër.
Tashmë mungon vetëm zyrtarizimi pasi çdo gjë është mbyllur mes dy klubeve dhe lojtarit.
