Gjykata e Tiranës lë në burg menaxherin e qendrës së masazhit “Delir”,Fatjon Hyka, i cili akuzohet për prostitucion. Togat e zeza të kryeqytetit kanë pranuar kërkesen e prokurorisë ndaj 35-vjeçarit.
Provat kryesore të prokurorisë janë një bllok shënimesh të vajzave që prostitutonin dhe shënoni oraret dhe gadishmërinë për të kryer prostitucion si dhe dëshminë e 4 vajzave që po hëtohen në gjëndje të lirë. Vet 35-vjeçari ka mohuar akuzat përpara gjykatës, por kerkesa e tij është rrëzuar nga gjykata.
Ndërkohë avokati mbrojtës shprehet se klienti është person korrekt, me profesion mesues dhe sipas tij nuk ka pasur dijeni për atë çka bëhej brenda qëndrës që ai menaxhonte. Qendra nxirrte njoftime online në faqet e njoftimeve për punë, ku kërkonte vajza për masazh, teksa kriter i vetëm ishte mosha mbi 18 vjeç. Pas nisjes së punës vajzave iu kërkohej dhe kryerja e shërbimeve seksuale.
Ajo që bie në sy nga rrëfimet e vajzave është që ato kanë pranuar ti kryejnë këto shërbime. Skema e prostitucionit në qendrat e masazheve është e njëjtë, ndërsa më pjesën më të madhe të rasteve, Policia ka rënë në dijeni të tyre dhe ka nisur hetime pas denoncimeve anonime, por edhe personave që kanë qenë të përfshirë. Hetimet janë ende në vijim pasi dyshohet se në këtë aktivitet të paligjshëm janë përfshirë edhe persona të tjerë.
