“Vetëvrasje ndodhin edhe mes pacientë me Covid-19 në shumë shtete të Europës e botës”. Kështu e justifikoi kryeministri Edi Rama vetësakrifikimin e 69-vjeçarit nga Fieri, i cili u vetëhodh ditën e djeshme nga një prej ballkonëve të Spitalit Infektiv në QSUT dhe humbi jetën. Rasti shënon të katërtin e pacientëve me Covid që vetëvriten në spitalet e vendit, ndërkohë që edhe këtë herë përdoret nga pushtetarët fraza “kjo ndodh dhe në botë”. Frazë e kthyer tashmë në referen të “rilindësve” për të përligjur gati çdo që të mbrapsht që ndodh në këtë vend.
Në një deklaratë për gazetarët, Rama përmendi disa raste vetëvrasjesh “për shkak të Covid” që sipas tij, kanë ndodhur në shtete të ndryshme të botës.
Ai hodhi akuza dhe ndaj opozitës, pas akuzave të kësaj të fundit se qeveria po keq menaxhon situatën e pandemisë në vend. Rama tha se qëllimi i deklaratave të opozitës është për të ngjallur panik e për të armiqësuar popullin me qeverinë. “Një strategji e dënueshme, sipas Ramës, për një pushtet që s’kanë shansin ta marrin”.
Bashën e quajti “Lulzim derdimeni”, ndërsa kreun e shtetit e etiketoi “Ilir Kushi”.
“Ai (Basha) thotë rrisni numrin e testimeve, po pse se ndal (virusin) Gjermania që ka bërë numrin më të lartë të testimeve dhe ka shërbime ekselente. Pse del Merkel po thotë gjurmimi ka hasur vështirësi”, tha Rama.
“Likja të vetmin plan ka të ndajë dëshmorët në mjeshtra pune, mjeshtra sporti dhe ustallarë votash”, shtoi Rama.
