Mjekët kryqëzojnë ministren e Shëndetësisë, Ogerta Manastirliu, lidhur me situatën e pandemisë në vend. Profesor Genc Sulcebe, gjatë debatit në Open, tha se shërbimi i Imunologjisë, do mbyllet pasi disa shërbime janë dhënë me koncension.
“Koncensionari bën 10 analiza, ndërkohë që shërbimi bën 100 të tjera. Pse duhet të mbyllet atëherë”, tha profesor Sulcebe.
Në anën tjetër, Manastirliu tha se shërbimi nuk do të mbyllet por po organizohet. “Nuk do të mbyllet shërbimi, thjesht do të riorganizohet. Nuk ka mbyllje shërbimi, përkundrazi ne do të shtojmë kapacitetet”, tha Manastirliu, e cila nuk e bindi me përgjigjen e saj, profesorin e imunologjisë, Genc Sulcebe.
Një tjetër debat ishte ai mes mjekut të njohur pneumolog Arjan Mezini dhe ministres Manastirliu, lidhur me situatën e pandemisë në vend dhe spitalet Covid.
Në emisionin Open, ministrja e Shëndetësisë, Ogerta Manastirliu, tha se situata është dinamike, por shprehet optimiste. Sipas Manastirliut Shqipëri numëron 177 të infektuar për 100 mijë banorë.
“Situata ëshë dinamike. Numërohën 177 të infektuar për 100 mijë banorë. Shifra është më e ulët se të gjithë vendet e tjera të rajonit”, tha Manastirliu.
Në anën tjetër, pneumologu Mezini tha se masat ekstreme të ndërmarra nga Qeveria nuk kanë dhënë efekt dhe nuk kanë parandaluar pandeminë.
Ai tha se nuk është investuar në drejtim të teknikës spitalore.
“E dini që në dhomat e pacientëve ka një zhurmë sikur po ulen avionët, pasi ato aparaturat e oksigjenit bëjnë zhurma të tmerrshme.
Pse nuk investohet te aparaturat që e çojnë oksigjenimin sa e do ti, ndërkohë që është investuar për 4 apo 5 tuba në aparatura oksigjenimi që nuk janë efikase. Pse ikin njerëzit në Turqi, nuk ikin për mjekimin jo, sepse edhe këtu mjekët po përdorin maksimumin e tyre?
Pse në një dhomë nuk qëndron vetëm 1 pacient, duke i shërbyer uljes së ngarkesës virale të pacientëve në spitale? Keni bërë investime ku në një aparaturë nxirrni 3, 4 apo 5 tuba, ndërkohë që kjo säka lidhje fare. Sa kushton një aparaturë 1000 apo 2 mijë euro.
Referojuni protokolleve të përdorura në spitalet e Gjermanisë, të cilat do ua sjell nesër në zyrë”, iu drejtua Mezini, Manastirliut.
Mezini u ndal në ezaurimin e kapaciteteve spitalore Covid, ndërsa vuri theksin te gabimet që po bëhen lidhur me mjekimet, por edhe me numrin e testimeve. Sipas tij, stafet mjekësore po lodhen dhe problem është fakti se ata që do të angazhohen në këtë betejë është trajnimi i tyre.
“Ka paqartësi, mjekët janv në panik, lidhur me terapinë që përdoret. Gjithçka varet nga imuniteti i personave që prekin personat. Ky virus e nis kurbën e tij problematike në ditën e 8 ose pas ditës së 8”, tha Mezini. Gjithashtu ai u shpreh edhe për masën e ndërmarrë nga Qeveria për mbajtjen e maskës në rrugë, për të cilën tha se është një masë që nuk të mbron.Pneumologu vuri theksin në hartimin e protokolleve të sigurisë në punë, ndërsa e konsideroi të pakuptimtë faktin se qytetarët mbajnë maskën në rrugë dhe e heqin në lokale.
