Edi Reja ka folur pas fitores 2-1 në miqësoren me Kosovën. Trajneri italian ndalet te debutimi i lojtarëve të rinj, mbyll përfundimisht çështjen e kapitenit dhe ka një koment për Sherif Kallakun.
“Na u desh të bënim një vlerësim për të rinjtë, na shërbeu shumë kjo ndeshje, sepse debutuan shumë lojtarë të rinj.
“Ecim përpara, janë disa lojtarë që duhet t’i kemi në konsideratë, sot provuam në aspektin mbrojtës. Kosova është një skuadër shumë e mirë, teksa jam i kënaqur me paraqitjen tonë.”
Kallaku? Presim shumë nga Kallaku, ka cilësi por duhet të krijojë eksperiencë. Po e monitoroj te Lokomotiva, luajti mirë në ndeshjen e parë me ne, por sot doja të shihja nga afër Selahin, doja ta provoja.
“Kallaku është i rëndësishëm për të ardhmen tonë, është një lojtar i bukur. Ndihem mirë që është transferuar jashtë dhe po luan me ekipin e tij“, deklaron Reja.
