Këngëtarja e njohur Leona Lewis ka treguar për revistën “Stella” se do të dëshironte të birësonte një fëmijë për shkak të përvojës së nënës së saj, e cila u rrit në jetimore.
Krijuesja e hitit “Bleeding Love” tha se Dennis, me të cilin u martua në korrik të vitit 2019, dëshiron shumë për të krijuar një familje dhe nëse do të varej nga ai, ata do të kishin shumë fëmijë tashmë.
“Unë dua të kem fëmijë, por Dennis dhe unë kemi biseduar për një adoptim. Nëna ime u rrit në jetimore. Askush nuk e ka adoptuar atë si fëmijë dhe kështu unë dëshiroj shumë të adoptoj. Por akoma jam duke menduar për këtë, se po të ishte për burrin tim do kishim bërë fëmijë tashmë”- është shprehur Leona.
