FDA (Administrata e Ushqimit dhe Barnave nw SHBA), amerikane ka dhënë urgjentisht dritën jeshile për të përdorur trajtimin e antitrupave anti-Covid të kompanisw “Eli Lilly” për të trajtuar infeksione të vogla tek të rriturit dhe fëmijët.
Trajtimi duhet të administrohet në spitale ose në institucione të tjera shëndetësore. Ky është mjekimi i parë i bazuar në antitrupa monoklonale që merr autorizim.
Rezultatet e hershme sugjerojnë që ilaçi, i quajtur “bamlanivimab”, mund të ndihmojë në eliminimin e koronavirusit më herët dhe mundësisht të zvogëlojë shtrimet në spital tek njerëzit me Covid-19 të butë deri të moderuar.
Një studim me pacientët e shtruar në spital, u ndalua kur vëzhguesit e pavarur panë se ilaçi nuk dukej se ndihmonte në atë situatë. Qeveria kishte arritur më parë një marrëveshje për të blerë dhe furnizuar pjesën më të madhe të prodhimit të hershëm të ilaçit nga “Lilly”.
Ndërkohë, në frontin e vaksinës, pas lajmeve ngushëlluese që vijnë nga kompania “Pfizer”, Brazili ka njoftuar se ka pezulluar provat kineze të vaksinave kundër Covid-19 për shkak të një ‘aksidenti të rëndë’. Kjo u njoftua nga organi rregullator brazilian.
Vetëm të hënën, guvernatori i São Paulos, Joao Doria, kishte njoftuar se 120,000 dozat e para të vaksinës kundër Covid të prodhuara nga Sinovaci kinez, një nga më premtueset deri më tani, do të shpërndahen në Brazil deri në 20 nëntorin e ardhshëm.
Në lidhje me natyrën e incidentit, i cili përfshiu një marrës vullnetar, nuk u dhanë detaje përveç se u mësua se ai ndodhi më 29 tetor.
