Fieri është vendosur nën masa të forta sigurie, ndërsa Kryeministri Edi Rama do të takohet me një përfaqësi të naftëtarëve grevistë, në godinën e Bashkisë së qytetit.
Forca të shumta policore dhe të FNSH-së kanë rrethuar qytetin në masa të larta sigurie, pak momente para se eskorta e Ramës të mbërrite te Bashkia.
Në këtë takim pritet zgjidhja e ngërçit të naftëtareve të Ballshit, Fierit dhe Patosit, të cilët kanë hyrë në një grevë të gjatë, për shkak të pagave të prapambetura.
Takimi siç mësohet do të zhvillohet në Bashkinë Fier, me një përfaqesi prej 8 vetash, pjese e tyre grevistë naftëtarë mes tyre edhe vetë kreu sindikatës, Sokol Dautaj
Diten e sotme, 10 gratë naftëtare greviste e mbyllën grevën disa javore me shpresën e zgjidhjes së problemit të tyre, ku kërkojnë përfitimin e 13 pagave të fituara me gjyq dhe rifillimin e punës.
