Partia Demokratike ka reaguar ndaj takimit të dështuar mes Kryeministrit Edi Rama me naftëtarëve. Edmond Spaho, nënkryetar i PD-së, tha se sot nuk iu dha asnjë zgjidhje reale për naftetarët, ndërsa Rama ricikloi gënjeshtrat e dhe mashtrimet e vjetra.
Spaho shkruan se Rama i gënjeu në 2016 për t’u marrë votën se do të vazhdojnë punën dhe do t’u jepen të gjitha paratë, ndërsa jepte garanci për investitorin që erdhi mbushi xhepat e tij dhe atyre që e sollën dhe iku.
“I la naftëtarët 26 ditë në grevë urie, duke u tallur ndërsa negocionte me ekipet e futbollit. I la që të lodhen, të dëshpërohen dhe në fund të pranojnë çfarëdo zgjidhje që siguron, qoftë dhe ushqimin e pak ditëve për fëmijët, që të dalë para shqiptarëve si shpëtimtare.
Njësoj siç po bën me Covid19. Fillimisht shpërndau frikë dhe terror te qytetarët, që të dukej si shpëtimtar, sot kur po vdesin nga 12 vetë në ditë, nuk thotë asnjë fjalë sepse nuk i bëhet vonë kush vdes e kush jeton, sa vdesin e sa do të mbesin, mjafton që mos të mos i cënohen lekët e koncesioneve dhe inceneratoreve”, shkruan Spaho.
