Pasi u dorëzua në komisariatin e Fushë-Krujës, Durim Bami një nga personazhet e njohura të botës së krimit, ka rrëfyer situatën e tij përballë akuzave për përfshirje në një atentat disa ditë më parë që thuhet se iu bë kushëririt të tij.
“Nuk kam konflikt me njeri dhe nuk i njoh atentatorët. U largova nga vendngjarja dhe qëndrova i fshehur pasi i ndruhesha ndonjë sulmi tjetër të mundshëm”, është shprehur Bami para hetuesve pas dorëzimit të tij në Komisariatin e Fushë-Krujës.
Bami ra në pritën e një atentati me armë teksa kthehej nga Kamza në Fushë-Krujë, pranë Urës së Tapizës, me kushëririn e tij Ervin Kodra. Ky i fundit mbeti i plagosur por jashtë rrezikut gjatë shkëmbimit të zjarrit, ndërsa autorët zyrtarisht nuk raportohet të jenë identifikuar ende dhe ndodhen në arrati.
