Java e 7-të në Serie A u luajt në tri ditë. Takimi hapës ishte ai i së premtes mes Sassuolos dhe Udineses i mbyllur në barazim pa gola.
Ditën e shtunë u zhvilluan tre takime, teksa Cagliari mundi pastër 2-0 Sampdorian, Spezia fitoi në transfertë 0-3 ndaj Beneventos, ndërsa Parma-Fiorentina u mbyll 0-0.
Ndërkohë, skuadrat e mëdha zbritën në fushë ditën e sotme. Në orën 12:30 u luajt supersfida Lazio-Juventus, që përfundoi në barazim 1-1.
Me të njëjtin rezultat u ndal edhe Interi në fushën e Atalantës. Roma fitoi 3-1 në transfertë ndaj Genoas ndërsa triumf jashtë fushe arriti edhe Napoli të cilët mundën me rezultat minimal Bologna-n.
Java e 7-të u përmbyll me sfidën e orës 20:45 mes Milanit dhe Veronës e mbyllur në barazim 2-2.
Serinë A e kryeson Milani në kuotën e 17 pikëve dhe ndiqet nga Sassuolo dhe Napoli me 15 dhe 14 pikë. Ndërkohë pretendentët për titull si Juventusi dhe Interi, klasifikohen përkatësisht në vendin e 5-të dhe 7-të.
Serie A, java e 7-të:
E premte:
Sassuolo-Udinese 0-0
E shtunë:
Cagliari-Sampdoria 2-0
Benevento-Spezia 0-3
Parma-Fiorentina 0-0
E diel:
Lazio- Juventus 1 -1
Atalanta-Inter 1 -1
Genoa-AS Roma 1-3
Torino Crotone 0-0
Bologna Napoli 0-1
AC Milan Verona 2 -2
