Pas fitores 2-0 kundër Kukësit, humbja e parë e Tiranës ka ardhur vetëm në javën e dytë të kampionatit. Bardheblutë u dorëzuan 0-1 përballë Teutës.
Sfida e luajtur në Pogradec, u vendos nga talenti Lorenco Vila në minutën e 32-të të ndeshjes. Pas një krosimi të marrë nga Dejvi Bregu nga goditja e dënimit, sulmuesi 21-vjeçar ia del ta dërgojë topin në fundin e rrjetës, duke mos i lënë asnjë mundësi reagimi portierit Bekaj.
Kështu rezultati përfundimtar i takimit do të ishte 0-1 në favor të durrsakëve. Teuta kështu regjistroi fitoren e parë për këtë sezon, ndërsa Tirana pësoi humbjen e parë.
