Man.United i është përgjigjur menjëherë golit të Bernard duke përmbysur shifrat ndaj Everton-it.
Golit të sulmuesit brazilian në minutën e 19-të i janë përgjigjur menjëherë Bruno Fernandes dhe Marcus Rashford. Fillimisht mesfushori portugez barazoi shifrat në minutën e 25-të, duke goditur bukur me kokë një top të krosuar nga Luke Shaw.
Goli i dytë për “Djajtë e Kuq” erdhi vetëm 7-të minuta më vonë. Aksioni ishte i ngjashëm me golin e parë por këtë radhë ishte Fernandes ai që krosoi nga ana e majtë e fushës, ndërsa Rashford finalizoi me kokë.
