Edhe pse në të 70-at e tij, Liu Huawei, një praktikues i njohur i Mjekësisë Tradicionale Kineze në provincën Shaanxi të Kinës Veriperëndimore, nuk ndali kontributin e tij në parandalimin dhe kontrollin e COVID-19.
Liu doli në pension nga pozicioni i drejtorit të Spitalit të Mjekësisë Tradicionale Kineze në Shaanxi.
Më 21 janar, dy ditë para se të zbuloheshin tre rastet e para të COVID-19 në provincë, Liu dhe katër studentë të tij qëndruan zgjuar deri në mesnatë për të diskutuar shkakun dhe trajtimin e sëmundjes nga këndvështrimi i MTK-së.
Diskutimi u zhvillua nën kërkesën e Komisionit Shëndetësor të provincës Shaanxi, me shpresën për të dhënë disa kontribute në betejën kundër shpërthimit në Wuhan, kryeqendra e provincës Hubei më e goditura nga COVID-19 në pjesën kontinentale të Kinës, dhe ndërkohë të mbrojë njerëzit në Shaanxi nga sëmundja.
Diskutimi ishte efikas. Duke analizuar simptomat e pacientëve në Wuhan dhe gjuhët e tyre (një nga ekzaminimet sipas mjekësisë kineze është shikimi i gjuhës), të cilat u fotografuan dhe më pas u shpërndanë nga disa mjekë të MTK-së në Wuhan, Liu dhe studentët e tij arritën në përfundimin se njerëzit sëmuren me pneumoni për shkak të ftohtësisë dhe lagështisë së motit. Këto besohet të jenë të dëmshme për shëndetin e njerëzve në teorinë e MTK-së dhe sulmojnë njerëz që nuk janë në gjendje t’i mposhtin ata pasi trupat e tyre janë shumë të dobët.
“Ndërsa Wuhan ndodhet në një zonë ku bashkohen dhe ndërthuren një numër lumenjsh dhe liqenesh dhe reshjet e shiut kanë qenë të shpeshta që nga fillimi i vitit, duke çuar në një sasi të madhe të të ftohtit dhe lagështisë në mjedis”, thotë Liu, duke shtuar se trajtimi i COVID-19 në Wuhan duhej të përqendrohet në zhdukjen e dy elementeve të dëmshëm që hyjnë në trupin e njerëzve.
Ndërkohë, Liu tha se me temperaturë relativisht të lartë dhe pak reshje në dimrin e 2019 dhe pranverën e vitit 2020, klima në Shaanxi ishte e ndryshme nga ajo në Wuhan: përveç të ftohtit dhe lagështisë, kishte edhe një nxehtësi dhe thatësi. Kjo gjithashtu mund të dëmtojë shëndetin e njerëzve. Nxehtësia ose thatësia e tepërt në trup shkakton dëm, veçanërisht kur njerëzit nuk kanë mjaft chi, ose energji jetike në trupin e tyre ose nëse energjia e tyre chi nuk është në gjendje të mirë.
Prandaj, ai gjeti disa receta të MTK-së, të përbërë nga një seri ilaçesh bimore si Huoxiang, suye (folium perillae), jiegeng (platycodon grandiflorum) dhe nenexhik. Përzierja e tyre supozohet të jetë e favorshme për të zvogëluar lagështinë dhe për të kufizuar nxehtësinë dhe thatësinë në trup në një sasi të duhur.
Konkluzionet dhe recetat e tij u miratuan nga libri udhëzues krahinor Shaanxi për të parandaluar dhe kontrolluar COVID-19, tha Ma Zhanping, udhëheqës i ekipit të ekspertëve të MTK-së në Shaanxi për trajtimin e COVID-19, gjithashtu një student i Liu-t.
“Për më tepër, gjykimi i mësuesit tim në lidhje me sëmundjen dhe recetat që ai dha ishin mjaft të ngjashme me atë që u përshkrua në botimin e tretë dhe të katërt pilot të librit udhëzues kombëtar për diagnozën dhe trajtimin e COVID-19, të cilat u lëshuan më përkatësisht më 23 janar dhe 27 janar,” tha Ma, i cili është gjithashtu drejtor i Departamentit të Sëmundjes Pulmonare në Spitalin e Mjekësisë Tradicionale Kineze në Shaanxi.
“Nuk është një arritje e lehtë pasi nuk kishte raste të dorës së parë në Shaanxi kur mësuesi im i bëri të gjitha këto,” shton ai.
Liu i kushtoi vëmendje mbledhjes së materialeve të para në vijën e parë dhe e ndoqi nga afër zhvillimin e sëmundjes. Ndërsa një nga studentët e tij, Qu Xiaoyuan, një mjek nga Spitali i Mjekësisë Tradicionale Kineze Shaanxi, po punonte vullnetarisht në Wuhan në shkurt dhe mars, Liu i kërkoi Qu-it të grumbullojë materiale dhe të provonte nëse kuptimi i tij rreth pneumonisë ishte i saktë.
“Kur isha duke punuar në Wuhan, ndjeva që kuptimi i mësuesit tim për COVID-19 është i thellë dhe i saktë edhe pse ai ishte 800 kilometra larg. Kjo vjen nga përvojat e pasura të një mjeku të shquar të MTK-së”, tha Qu.
“Unë bëra disa telefonata me mësuesin tim për të folur rreth disa prej vëzhgimeve dhe konfuzioneve të mia në Wuhan, dhe vërejtjet e mësuesit tim ishin gjithmonë të dobishme dhe frymëzuese për punën time atje,” shton ai.
Tani dimri, një nga stinët që njerëzit janë të prekshëm ndaj sëmundjeve infektive të frymëmarrjes, po afron. Përveç disa zakoneve themelore për të ndihmuar njerëzit të qëndrojnë larg virusit, të tilla si larja e duarve shpesh dhe aktiviteti i rregullt sportiv, Liu rekomandon që njerëzit të marrin disa veprime nga këndvështrimi i MTK-së.
“Ndërsa mushkëritë nuk e pëlqejnë ftohtësinë, ne duhet të qëndrojmë ngrohtë, të ruajmë veten nga vendet e ftohta, të lagështa dhe të bëjmë shpesh banjo dielli. Gjithashtu, ne duhet të hamë më shumë ushqime me ngjyrë të bardhë, të tilla si dardha dhe kërpudha që ndihmojnë shëndetin e mushkërive ,” tha Liu./Marre nga CRI, Radio e jashtme e Kinës.
