Liverpool në fundjavë do të përballet me rivalin më të madh për titull, Manchester City-n.
Në prag të ndeshjes, “Të kuqtë” kanë shumë probleme me dëmtimet. Përpos mungesës së liderit, Virgil van Dijk, trajneri Jurgen Klopp ka konfirmuar se edhe mesfushori Thiago nuk është i gatshëm.
“Jo. Thiago nuk është i gatshëm për tu rikthyer. Nuk ka nevojë të kryej operim por kur të përfundojnë problemet më dhimbje mund të fillojë stërvitjet”. deklaroi Klopp.
Në konferencën për media, gjermani ka folur edhe për ballafaqimin me Cityn që nuk e cilëson aspak të lehtë.
“Është ndeshje shumë e vështirë për dy skuadrat. Në këtë fazë ta kampionatit, gjërat janë shumë ndryshe dhe asgjë nuk mund të krahasosh me vitin e kaluar. Është një fazë shumë intensive, kemi vështirësi për të krijuar formacionin më të mirë por do të luajmë futbollin më të mirë që mund ta bëjmë” u shpreh Klopp.
