Vështirësohet rruga e Presidentit Donald Trump për tu konfirmuar edhe katër vite të tjera, si drejtues i Shtëpisë së Bardhë.
Kandidati demokrat në zgjedhjet presidenciale në SHBA, Joe Biden, pasi ka kaluar në epërsi në shtetin e Xhorxhias, po fiton terren edhe në Pensilvani, shtet me 20 vota elektorale.
Sipas televizionit amerikan “Fox News”, Biden ka ngushtuar diferencën në Pensilvani me Presidentin Trump, i cili vijon ende të udhëheqë. Më konkretisht, nga 97 përqind e votave të numëruara, Trump vijon kryesimin me vetëm 0.3 përqind të votave më shumë se Biden.
Nga ana tjetër, televizioni “CNN”, raporton se demokratët janë optimist për një kthim rezultati dhe në shtetin me 20 vota elektorale.
Kujtojmë se Biden po udhëheq dhe në Nevada.
Kandidatit republikan Donald Trump i duhet të fitojë të gjitha shtetet me rezultat të diskutueshëm deri më tani, në mënyrë që të rizgjidhet President: Pensilvaninë, Xhorxhian, Karolinën e Veriut, Neavdan dhe Alaskën.
Nga ana tjetër, demokratit Joe Biden i mjafton të mbajë kryesimin në një nga dy shtete ku po udhëheq (Nevada ose Xhorxhia) që të marrë drejtimin e Shtëpisë së Bardhë.
Presidenti Donald Tump ka hedhur akuza për parregullsi dhe manipulim votash, teksa paralajmëroi se fituesin do ta vendosë gjykata. Biden nga ana tjetër është shprehur se në fund të numërimit të votave, do dalë ai fitues në këto zgjedhje.
/BN/
