Bundesliga luan këtë fundjavë javën e 7-të të kampionatit. Supersfida ku do të jetë e përqëndruar e gjithë vëmendja është klasikja e futbollit gjerman, Borussia Dortmund-Bayern Munich.
Në gjashtë javët e para të kampionatit skuadrat kanë një ecuri identike, teksa kanë fituar nga 5-së takime dhe kanë humbur 1.
Në prag të kësaj sfide, Bayern ka marrë një lajm pozitiv sa i përket një prej lojtarëve kyç të formacionit. Mesfushori Leon Gorecka ka lënë pas dëmtimin në pulpë, por edhe pse pësoi një tjetër lëndim të lehtë në seancën e fundit stërvitore, pritet të jetë i gatshëm për ndeshjen.
Dortmund nga ana tjetër do të duhet të bëjë pa Emre Can dhe Hummels, por verdhezinjtë janë edhe të pafat teksa do t’i mungojë mbështetja e tifozerisë së zjarrtë, me masat e reja të autoriteteve gjermane për pandeminë, që mbyllën sërish dyert për publikun.
Me mbërritjen e Erling Haaland në futbollin elitar gjerman, beteja nuk është vetëm mes Bayern dhe Dortmund, por edhe mes sulmuesit norvegjez dhe Robert Lewandowskit.
Polaku i bavarezëve ka shënuar plot 10 gola në 6 ndeshjet e para, si askush tjetër. Halaand ndërkohë ndodhet në kuotën e 5 golave.
Dortmund-Bayern, luhet të shtunën ora 18:30.
