Greva e urisë së naftëtareve në Ballsh ka hyrë në ditën e 22-të, ndërsa ende nuk ka një reagim nga Qeveria lidhur me kërkesat e tyre, ku më kryesorja mbetet pagesa për pagat e prapambetura.
Gjendja e grevisteve të urisë vijon të përkeqësohet, ndërsa një ditë më parë Presidenti Ilir Meta i vri thirrje qeverisë që të negociojë me naftëtarët, para se gjendja të përshkallëzohet.
Kryeministri Edi Rama vijon me qëndrimin se do të ulet në negociata, pasi grevistet të dalin ng greva, pasi nuk pranon presione.
“Ne duam vetëm bukën e gojës të premtuar nga Kryeministrit. Faleminderit Presidentit sepse është grevë ekonomike e jo politike”, shprehen gratë greviste.
Sipas tyre, greva e urisë do të vazhdojë pavarësisht presioneve për ndërprerjen e saj.
“Nuk dorëzohemi dhe nuk dalin nga ambientet ku jemi vendosur”, shprehen ato.
Ato përsërisin thirrjen ndaj qeverisë. Ndërkohë që kanë denoncuar edhe gjatë ditës së sotme kërcënimet dhe thirrjet në telefon për të ndalur grevën e urisë.
“Nuk kemi për borxh të dëgjojmë ato telefonata,” shprehet njëra nga gratë. “Jemi të ngujuara ekonomikisht. “Ne duhet te jemi pranë familjeve tona, jo këtu”, tha grevistja duke shtuar se ne tashmë nuk do pranojmë asnjë shërbim pasi do t’i shërbejmë njëra-tjetrës.
