Aktorja e njohur turke Tuvana Turkay, e cila në Shqipëri është njohur në rolin e ‘Bahar’, ka fituar betejën me Covid-19.
30-vjeçarja Turkay ndau me ndjekësit në rrjete sociale eksperiencën e saj me virusin.
“Unë e kalova virusin në shtëpinë time duke shmangur gjithçka dhe duke i kushtuar vëmendje të madhe shëndetit. Sapo kam kaluar një sprovë shumë të madhe. Aktualisht, testi im është negativ, por unë do të vazhdoj të qëndroj në shtëpi, për shkak të dëmtimit të shkaktuar nga sëmundja në mushkëritë e mia. Nuk besoj se ky dëm do të kalojë për një kohë të shkurtër.”– shprehet aktorja.
