Kryetarja e LSI, Monika Kryemadhi, ka komentuar dokumentin e Qeverisë holandeze që shpreh skepticizmin për plotësimin e kushteve të BE nga Shqipëria si dhe uljen në tryezën e Konferecës së Parë Ndërqeveritare. Kryemadhi thotë se tashëm Holanda e ka ndarë rrugën e Maqedonisë së Veriut nga Shqipëria, por për Ramën sipas saj ky nuk është lajm i keq.
Ajo thotë se rruga e Ramës nuk është Europa por rrugët e paditura, por skepticizmi i Holandës është lajm i keq për Shqipërinë dhe shqiptarët që po ndihen të diferencuar.
“Dy ditë më parë Holanda e ndau Maqedoninë nga Shqipërinë, dhe ndoshta ky nuk është lajm i keq për Ramën, pasi për të rruga nuk është Europa, por rrugët e paditura. Ky është lajm i keq për shqiptarët. Kjo tregon se procesi i integrimit europian po largohet nga Shqipëria, dhe shqiptarët po ndihen të diferencuar”, u shpreh Kryemadhi.
