Kryeministri Edi Rama, njëherazi edhe kryetar i PS-së, ka mbledhur mëngjesin e sotëm drejtuesit politikë sipas qarqeve, në kuadrin e përgatitjeve për zgjedhjet e 25 prillit. Mbledhja mësohet se ka karakter organizator, ndërsa pritet të diskutohet mbi grupet që do të drejtojnë fushatën e socialistëve, por edhe kandidatët e ardhshëm për deputet.
Raportohet se në mbledhje do të diskutohet mbi platformën online të prezantuar tashmë “Deputeti që duam” përmes të cilës, Rama dhe drejtues të tjerë të PS i kanë bërë thirrje çdokujt që ka ide të reja që të aplikojë për të kandiduar.
Gjithashtu në mbledhje do të diskutohet edhe mbi performancën e deputetëve aktualë, ndërsa kohë më parë Kryeministri Rama ka paralajmëruar se rikandidimi i tyre do të varet pikërisht nga vlerësimet që do të jepen për ligjvënësit aktualë, por edhe pesha e tyre elektorale.
