Një debat i nxehtë u zhvillua në studion e Çim Peka LIVE, kur kryetarja e LSI, Monika Kryemadhi u pyet se përse inceneratorët kanë firmën e ish-ministrit të tyre, Lefter Koka.
Kryemadhi tha se LSI-ja i ka denoncuar e para çështjen e inceneratorëve dhe ka votuar kundër.
“Kjo është sikur të themi se ka ngelur nusja e komshiut me barrë dhe e ke fajin ti.
Zoti Koka nuk ia ka marrë LSI-së as vulën dhe as firmën. Kryeministër ka qenë Edi Rama. Firma e tij është individuale. Kush është pa kokë e me kokë, le të ikin nga kanë ardhur, se kur nuk ka përgjegjësi ai që ka vënë firmën, mua nuk më bëhet vonë fare.
LSI ka qenë e para me zotin Vasili që ka kërkuar konsulencë dhe bashkëbisedim për inceneratorët. Ky zotëria është marrë peng nga zoti Rama dhe nga të tjerë.
LSI nuk e ka votuar, e ka kundërshtuar çështjen e inceneratorëve. Edhe importimin e mbetjeve. Që kur jam bërë kryetare e LSI, Koka nuk ka marrë pjesë në asnjë mbledhje.
Koka na ka kërkuar që të mos vazhdojmë çështjen e inceneratorëve. Unë kam qenë kundër. Madje unë kam qenë në protestë kundër inceneratorëve të Fierit.
Nuk na bën pis si LSI as Lefter Koka dhe as të tjerët,” tha Kryemadhi.
I pyetur nëse Koka iku nga LSI, ajo tha se ai është vetëpërjashtuar sepse nuk mori pjesë në mbledhjet e partisë.
