Mamaja e Xhino Koçës, i cili u vetëhodh nga Sanatoriumi, ka hedhur akuza se ka pasur neglizhencë nga ana e stafit spitalor.
Xhino Koço, më 13 Gusht, i dha fund jetës duke u vetëhedhur nga spitali Covid-2, ku ishte i shtruar pas infektimit me koronavirus. Në emisionin “Open”, e ëma e tij tha se ngjarja mund të ishte evituar, nëse ndaj të birit do të kushtohej më shumë kujdes për një trajtim psikologjik.
Pyetje: Është folur për depresion dhe sëmundje shoqëruese. Keni një shpjegim ju?
E ëma: Neglizhencë e gjendjes së Xhinos në 48 orët e fundit. Ky është shpjegimi im.
E keni nga dhimbja këtë?
E ëma: Jo. Arrij në këtë përfundim sepse i kam të shkruara në mesazhe. Jam e bindur por nuk jam unë që e vendos. Jam vajzë mjeku, dhe e di shumë mirë që një mjek i thjeshtë e lexon frikën tek bebja e syrit. Kishte oksigjen 96. Bëhet fjalë për një djalë të shëndetshëm. Bëri pronontim në palestër. Ishte i realizuar dhe shkolluar. Më 7 maj, ka bërë një pagesë për masterin për në Kanada. Në fund të gushtit duhet të shkonte në Ambasadë për të marrë visën. Nuk pinte cigare dhe as lëndë narkotike.
Pse një djalë u hodh nga kati i tretë, në spital nuk të mbajnë me zor? Pse e ndërmori aktin ekstrem?
E ëma: Mendoni që në Durrës nuk ka apartamente me 4 kate. Mendoni se duhet që të hidhej në spital për t’u hedhur nga ballkoni. Pse u hodh? Të hënën kërkuam që të dilte nga spitali, sepse nga Durrësi më thanë që mund të ndiqej në shtëpi. Më thanë; edhe me Polici po të dilni djalin nuk e nxirrni dot nga spitali. I thoshin ‘nuk ke gjë, por e ke psikologjike’, është tronditja dhe pagjumësia, se ka ndodhur konfuzion tek Xhino. Italia ka me qindra spitale, nuk kemi dëgjuar asnjë rast.
Nuk ka qënë vetëvrasje?
E ëma: Nuk dyshoj se ka qënë diçka tjetër. Por gjendja e neglizhuar, për një konsultë psikologu, apo për diçka për t’i thënë… Ai mendon se edhe po të vinte në shtëpi, do të ishte i sëmurë. Për një konsultë me psikologun, t’i merret jeta djalit. Jam e sigurtë që nuk është konsultuar.
